Brenda tre muajve të ardhshëm pritet të përfundojë faza e parë e projektit më kapital që është duke u realizuar në Gjilan, rregullimi i shtratit të lumit Mirusha, i cili për shumë kohë i ka shkaktuar probleme serioze këtij qyteti. Fadil Osmani, menaxher për projekte, thotë se Gjilani po e shkatërron përfundimisht “dinosaurin” e quajtur Mirusha, i cili i ka sjellë dëme të mëdha këtij qyteti dhe rrethinës. Projekti për rregullimin e shtartit të lumit Mirusha, që kap vlerën e përgjithshme mbi 4.5 milionë €uro, konsiderohet ndër investimet më të fuqishme në historinë e Anamoravës, sa iu përket kanalizimeve, sepse menjanon përgjithmonë kundërmimin dhe ujërat e këqija dhe e ndryshon pamjen e ambientit jetësor në këtë qytet. Në fazën e parë, e cila kap vlerën 1.4 milionë €uro, do të rregullohet pjesa nga kolektori deri te hoteli “Kristal”, në fazën e dytë, projekti do të vazhdojë deri te qerdhja “Ardhmëria” ...